Dleastanas a' Chathraiche agus nam Ball

Tha uallach shònraichte air a' Cathraiche, le comhairle bhon Stiùiriche, airson stiùireadh a thoirt mu chùisean mar:
- Cur ri chèile ro-innleachd GMS airson a dhleastanasan reachdail a choileanadh;
- Riochdachadh beachdan GMS;
- Misneachadh ìrean àrda freagarrachd;
- Brosnachadh feum freagarrach agus èifeachdach de luchd-obrach agus stòrasan eile air feadh na buidhne; agus
- Toirt measadh air coileanadh Bhall fa leth nam bithear a' beachdachadh air an cur an dreuchd a-rithist gu GMS no an taghadh gu Bòrd buill poblaich eile.
Nì am Bòrd cinnteach gun coinnich GMS gu cunbhalach tron bhliadhna agus gum bi geàrr-chunntasan choinneamhan a' dèanamh clàradh pongail air co-dhùnaidhean.
Tha dleastanasan Bhall a' gabhail a-steach:
- Coileanadh an dleastanasan fo Achd Conaltraidh 2003 agus reachdas no Òrdughan leasachail sam bith a thèid a chur rithe;
- Stèidheachadh frèam poileasaidh agus stòrais airson obair GMS agus stiùireadh ro-innleachdail iomlan na buidhne taobh a-staigh an fhrèam sin;
- Dèanamh cinnteach gu bheilear daonnan a' gleidheadh nan ìrean riaghlaidh corporra as àirde; agus
- Dèanamh cinnteach gum bi GMS ag obrachadh taobh a-staigh crìochan ùghdarras reachdail agus gum bi luchd-obrach ag obrachadh taobh a-staigh crìochan ùghdarrais tiomnaichte.